-- Leo's gemini proxy
-- Connecting to toki.pona.billsmugs.com:1965...
-- Connected
-- Sending request
-- Meta line: 20 text/gemini; lang=tok
sitelen pona li pona mute! mi pilin e ni: sina kama sona e sitelen pona la, sina ken kama sona e toki pona lon tenpo lili. sina ken wan e sitelen pona e nimi pi toki pona lon lawa sina. ni la, sina ken awen sona e nimi ale.
mi pali e sitelen pona kepeken leko lili:
ilo lukin pi tenpo suno ni la, leko lili li lili mute! sitelen anpa li pana e sitelen sewi tu lon sitelen suli :
lipu anpa li nimi ale lon sitelen sewi. ona li jo e nimi 137. ona li nimi pu ale li nimi ku suli. (ona li lon nasin 'a, e, i, j, k, ...'. nimi ku en nimi pu li wan.)
sitelen pona pi leko lili ni li kepeken lipu lawa "Creative Commons Zero". (nimi ante li lipu lawa "CC0".) lipu lawa ni li pana e ni tawa sina: sina ken kepeken ona lon ijo ale. ona li mani ala. sina ken esun e ijo kepeken ona.
mi pali e nasin sitelen ".ttf" pi sitelen pona 15x15. mi pilin e ni: ona li ike lili! mi sona ala pali e nasin sitelen pi pona mute. sina ken ala kepeken poki nimi. kin la, sina ken ala kepeken sitelen Lasin ale. sina kepeken ona la, lukin e sitelen ni:
sitelen pona ni li tan musi lili mi.
-- Response ended
-- Page fetched on Mon May 20 18:58:58 2024