-- Leo's gemini proxy
-- Connecting to cobradile.cities.yesterweb.org:1965...
-- Connected
-- Sending request
-- Meta line: 20 text/gemini
A thocht a'd juist dae a mind dump here aboot ma feelins an sic taewarts the SmolWeb, an pairts o the Deep Web a'v been explorin in general. As weel as some thochts on the "Spartan Web".
After, a uised tae be scared o the Deep Web, cause o ma horrible experiences wi the Dark Web, a space, gin ye dinnae ken, thit is ultra-secure, an is fou o shady fowk, an illegal content.
Efter diskiverin the Gemini an Gopher protocols, a wis caitious tae stairt wi, bit whan a explored it a wee bit, a fun thit thare wisnae onyhing tae be scared at. The fowk here ur very different tae Dark Web fowk, thank fuck!
Awtho the SmolWeb disnae leuk like the auld clearnet, it defo nails the feel o't! A luve explorin the protocols, an funnin aw kinds o weird an wunnerfu sites!
The SmolWeb haed broucht back a sense o jey in explorin the internet thit a hivnae diskivert in years!
We cannae furgit aboot the efforts bi NeoCities an Wiby forby, an thaim basically gien us a space tae explore whit the web uise tae be, nou cawed the "Spartan Web". The Spartan Web, no like the ithers, is on the clearnet, bit it defo gits an honourable mention! A luve g'in throu the NeoCities webrings an sites fund on Wiby!
A'v bin delvin intae WAP an BBS recent-like an aw. It teuk us a while tae fun active BBSes, bit whan a fun some, a haed a blast! It wis a lot o fun juist postin hings an bletherin awa wi fowk on a command line interface!
Whit's e'en better, is thit the communities in quiaisten a got alang brilliant wi! A nivver felt like a clickit as weel as a daed wi thaim!
Onywey, 'at's aw a wis wantin tae say, am oot!
-- Response ended
-- Page fetched on Sun May 12 15:36:52 2024