-- Leo's gemini proxy
-- Connecting to arns.lt:1965...
-- Connected
-- Sending request
-- Meta line: 20 text/gemini
Eso Udovič Arns, dā vadėnamo Zordsdavini arba Ousėnio.
Kraujė žemaitėška, bet laikaus Vėlniou. Pagrindėnės mėslės sokas aple žemaitiu kalbuos keravuojėma, anuos skleidėma ė pritaikīmus kompioterems. Daug darbū dėrbo, ka žėmaitē galietom rašītė bėndrinie rašībuo.
Karto eso puogramoutuos ė baisē miegsto Linux'us.
Tāp pat eso gomtuos mīlietuos ė mėslėjo, ka Žemė ī gīva.
Alkierios korts, ka būtom vėita, kor galietiuo talpintė sava mėslės, pastebiejėmus a kažkon, kon nanuorietiuo pamėrštė.
Būdams pruogramoutuojo nuoriejau pramuoktė naujū dalīku, ta tudie pasirinkau, ka mona alkierios turietom turietė ė gemini versėjė, karto līgegretē sokūriau ėr īprasta http versėjė.
Tekstus rašau i paprastiausius failiokus ėr anus talpėno sava „cloud'ė“ vagol somėslīta stroktūra. Tumet sokas tū failu makliavuonės servėsos, katras parašīts ont Go pruogramavėma kalbuos ėr ont mona parašītas bėbliuotekas `zord-tree`.
Jau ėš makliavuonės servėsa pajemo i gemini servėsa, katras parašīts ėrgė so Go, arba i http servėsa (backend's ont Go REST, frontend's ont Vue.js). Ruodā nauduojo gRPC pruotuokuola.
Eso Žemaitiu koltūras draugėjės narīs. Ka „legalėzoutiuo“ sava darba žemaitiu kalbā, ikūriau Žemaitiu kalbuos instėtota. Instėtota vardo dėrėno vairius standartus IT ertie. Siekmingiausė bėngtė pruojektā:
Kėtas nūruodas darbū so žemaitēs:
-- Response ended
-- Page fetched on Fri May 10 05:00:16 2024