-- Leo's gemini proxy
-- Connecting to alchemi.dev:1965...
-- Connected
-- Sending request
-- Meta line: 20 text/gemini
ni li lipu lili pi tonsi pi meli lukin
sina ken lukin e lipu ni kepeken toki Inli:
mi li jan Emi li jan pi kama sona lon [WEKA]. mi la kulupu lili nasa pi toki ilo li pona mute.
mi tonsi li mije ala li meli ken
mi pali e ijo mute ante. tan ni la ni li lon:
o toki tan tonsi
tomo toki nasa
toki pona en sona toki nasa
sina toki e ni tawa mi la mi pilin pona mute:
tonsi
nasin pona pi toki ilo
toki ijo la seme li pona li ike
nasin jan
nasin tan ni: tenpo kama mute la ale li ike ala
sitelen tawa musi
sitelen tawa sona
ijo sewi mute lon wan
taso la sina toki e ni la mi kute ala:
nasin wawa
ilo Linux sina
toki ilo wan li pona. toki ilo ante li ike.
mi sona ala la sina pana sona ala la
ken a!
tenpo ale la mi wile toki. sina wile toki la o toki tawa mi kepeken tomo toki Matrix lon @emi:the-apothecary.club o toki tawa mi kepeken tomo toki Siko lon Emi#6025.
sina toki e "toki" la o toki e ni tawa mi: sina li alasa e mi kepeken nasin seme. taso la o sona e ni: mi ken toki kepeken toki pona. taso la tenpo la mi sona ala e sina. pona la o lili e linja nimi sina
sina li jan jaki la o toki ala tawa mi. jan jaki li...
jan pi nasin Nasi
ike tawa jan tonsi li ike tawa jan pi olin sama li ike tawa jan kule li ike tawa jan pi pali ante li ike tawa jan pi kute ala
wile ike e mi
mi pali e toki ilo lili mute. ale li lon lipu GitLab mi lon anpa. kin la mi sitelen e ante lili tan toki ilo pi jan ante. ni ale li lon lipu GitHub mi lon anpa
toki ilo mi pi mute ala li lon nasin Gemini. toki ni li lon ni:
kin la mi pali e ijo musi lili lon nasin Gemini lon ni:
sina toki e ni tawa mi la sina pona pona pona. mi wile e ni: jan ale li ken pali e lipu mi e ilo mi. taso la tenpo lili la jan li ken ala pali e ilo mi. sina toki tawa mi la mi wile mute mute e ni: mi pona e ijo mi. kin la ijo mi li ike e pilin sina li pakala e sina la o toki tawa mi. mi wile pona
ilo pi mute ala mi li pali e nasin pana Hippocratic. nasin pana Hippocratic li toki e ni:
> sina pali e ni la sina ken pali e ilo mi:
>
> wan la sina pana e ni tawa jan la o pana e ni ale e nasin pana ni
>
> tu la o ike ala e jan ante. jan ale li wile e moki e tomo e toki. o weka ala e ni tan jan.
>
> sina wile pakala e jan li wile ike e jan o pali ala e ilo ni
mi pali e nasin pana Hippocratic tan ni: mi wile ala e ni: jan ike li pali e ilo mi li pakala e jan ante kepeken ilo mi
jan pi mute ala li pilin e ni: ni li ike tan ni: jan ale li ken ala pali e ilo mi
sina pilin e ni la o sona e ni: jan ike li ken ala pali e ilo mi. mi ken pake e ona la mi pake. sina wile pakala e jan ante kepeken ilo sina la mi pake ala e sina. taso la mi pakala ala.
sina wile kepeken e ilo mi kepeken nasin pana ante la nasin pana sina li pona tawa jan ale li pana ala e ilo sina tawa jan ike la o toki tawa mi. ken la mi ken pana e nasin pana ante tawa sina.
sina wile sona mute la o lukin e ni:
taso la tenpo lili la mi pali. taso la sina wile la sina ken pali e ona
jan mute li mije li meli. taso jan ale ala li mije li meli. ken la jan li mije ala li meli ala. jan li pilin e ni:
> mi mije ala. taso la mi meli ala. nimi ni li tan mi ala.
jan ni li tonsi. tonsi li mije ala li meli ala. toki Inli la nimi "tonsi" li nimi "Nonbinary".
mi sitelen e sitelen mute tan ni. sina wile la o lukin! mi la sina pona mute!
mi lukin e lipu pona la mi pana e ona tawa lipu nimi
-- Response ended
-- Page fetched on Tue May 7 02:37:33 2024